منتدى لتعليم الخط العربي

إذا أردت التسجيل في المنتدى فقم بزيارة هذا الرابط كيفية التسجيل في المنتدى
كل عام وكل الأمة الإسلامية بخيروفي أسعد حال بمناسبة العام الهجري الجديد أعاده الله على الأمة الإسلامية بكل خير ويمن وهو على كل شئ قدير ........ أمين

    حبة ترفيه بقي اضحكو من القلب

    شاطر
    avatar
    mr.hazem

    عدد المساهمات : 119
    تاريخ التسجيل : 22/02/2009
    العمر : 29
    الموقع : ma2laab.com

    حبة ترفيه بقي اضحكو من القلب

    مُساهمة من طرف mr.hazem في الخميس مارس 05, 2009 10:25 pm

    هذه بعض النكت اللي كنت منزلها علي المنتدي التاني بس نكت جميلة

    واهديها لكل اعضاء المنتدي

    الزوج الجديد لزوجته: كنتى هتتجوزينى لو ما كانش بابا ساب لى كل الثروة دى. الزوجة: يا حبيبى أنا كنت هتجوزك بغض النظر مين اللى ساب لك الثروة.



    البنت: لما نتجوز أنا عاوزة أشاركك فى كل مشاكلك و متاعبك و أخففها عنك. الولد : لكن أنا ما عنديش مشاكل. البنت: أيوه لإننا لسة ما اتجوزناش.


    مرة صرصار كان زهقان قال اّخد عودين كبريت و أخش أتزحلق فى الفريزر



    صرصار قاعد مع مراته بيتفرجوا على التليفزيون جه إعلان البيرسول قالها اقفلى بسرعة مبحبش أفلام الرعب



    واحد لقى صرصار بيجرى وراء مكنسة فسأله بتجرى وراها ليه قله أحسن المغفل شفط المدام



    مره كلب فقد الذاكره ماشي فى الشارع بيقول هوهو لالالا طب نونو لالالا طب صوصو اةاةاة





    مرة كان فى قردين واحد محظوظ والتانى تعيس الحظ فيوم كانوا رايحين يجيبوا موز من على الشجرة، القرد المحظوظ هو اللى طلع على الشجرة وجاب الموز والتعيس واقف تحت، فكان فيه أسدين معدين فقال الاسد الاول للتانى تعالى نضرب القرد ده (على التعيس الحظ)وراحو ضربوه. تانى يوم حصل نفس الحكايه وتالت يوم راح القرد التعيس قال للمحظوظ أنا حجيب الموز من فوق النخلة المرة دى فعدا الاسدين تاني فراح قال الاسد الاول للتانى تعالى نضرب القرد اياه راح قالوه التانى لا حرام تعالا نضرب اللى فوق المرة دى.
    ابعت لنا نكتـة


    مره ثعبان قابل ثعبان لقاه بيعيط قالوا انت بتعيط ليه رد اصلي انا نظري ضعيف قالو بسيطه ركب عدسات وبعد يومين وهو معدي لقاه بيعيط تاني قالو انت بتعيط ليه تاني، رد اصلي اكتشفت ان اللي بحبها من عشرين سنه طلعت خرطوم





    طلع مجموعة صيادين يصطادو وكل ما يصطادو حاجه كلابهم تجري تجيب الفريسه ما عدا كلب واحد بيخاف من صوت الرصاص فقالو لصاحبوه خده الافراح اللي بيحصل فيها ضرب نار كتير عشان يتعود على الرصاص وبعد ما اخده لمدة 6 شهور رجع يصطاد تاني أول ما ضرب نار الكلب اعد يزغرط

    كان فى مرة فيل كل يوم يمشى يدوس على النمل فالأستاز فوزى قائد النمل عمللهم اجتماع وقال فيه احنا لازم نموتة ، فاتقسموا مجموعتين مجموعة نطت على جانبة اليمين راح باعدهم ومجموعة نطت على الشمال راح باعدهم وفضل فوزى فى النص فكل النمل من تحت قعد يزعق : موته يا فوزى موتة يا فوزى





    مرة واحد ركب دش فوق السطح فعلشان ماحدش يقرب منه من السكان بنى حواليه كوخ وقفله وقال للسكان انا حاطط أسد في الكوخ ده فمحدش يقرب منه أحسنله ، السكان فضلوا خايفين يطلعوا السطح لحد مايوم الشجيع بتاعهم طلع وراح فاتح الكوخ راح نازل جري ووشه أصفر السكان قالولوه ايه شوفته ، قالهم لأ أنا شوفت الطبق اللي بياكل فيه بس


    النمر كان كل ما يشوف الأرنب يضربه و يقول له انت ودانك طويلة كده ليه فالأرنب راح اشتكى للأسد فالأسد طلب النمر و قاله لما تعوز تضربه قول له هاتلي جزر لو جابلك جزر اصفر قوله هات جزر أحمر و لو جاب جزر احمر قوله هات أصفر ، النمر قال للأرنب عاوز جزر الأرنب سأله أحمر ولا أصفر قام النمر ضربه و قال له انت ودانك طويله كده ليه



    واحد سكران قاعد بيشرب خمرة وعنده بغبغان كل شويه البغبغان يقوله هات كاس يقوله اقعد ساكت هنتفلك ريشك البغبغان يقوله هات كاس يقوله اقعد ساكت هنتفلك ريشك جرس الباب رن قام يفتح فالبغبغان مسك الازازه شربها فلما المسطول رجع قاله ايه ده ؟ قام البغبغان قاله شربت الازازه وادى الريش اللى انت قارفنى بيه أهو

    خروف بيسأل خروف "مر عيدين ومذبوحكش ليه؟" قال اصل انا متسجل في شهاده الميلاد حمار



    آخر أعراض انفلوانزا الطيور: - الخوف من النبلة - هز الرقبة بطريقة غير عادية - الشعور بالرغبة فى الطيران - ظهور الريش تحت الإبط - الشعور بالخجل من الديوك

    زرافة و فيل وأسد وفأر وثعلب وارنب ماشيين في الغابة , وقعوا كلهم في حفرة إلا الزرافة ,قالولها :جيبي لنا حبل. قالتلهم :ما فيش. قالولها :إحنا جعانين عايزين ناكل، قالتلهم: ماعرفش أجيب لكم أكل. قالولها: والعمل؟ قالت لهم: كلوا أضعفكم .. قام الفأر نط مفزوع وقال لهم : اللي حيقرب من الأسد حيعرف شغله





    صرصارين في العناية المركزة الاولاني بيسأل التاني بيرسول قالة التاني لا قبقاب





    من هو أوفى حيوان فى العالم؟ نمله مات جوزها الفيل قعدت تدفن فيه طول حياتها





    نمر كل مايشوف فار يقولو تعالى ويضربوا على قفاة، ويقولو"إنت ماشي حافي لية؟"؟ كل مايشوف الفار يعمل كدة، لغاية مالفار قفاة ورم وراح اشتكى الاسد. فالاسد راح كلم النمر فرد علية قالو انه يتلكك "انا اصلاً بتقرف منة" فقالو الاسد" طيب مش كدة علشان محدش يجيب العيب، لما تشوفو قولو اطلع هات تفاحة من فوق الشجرة، لو جبها حمرا اضربو على قفاة وقوو عايزة خضرا ولو جبها خضرا اضربو على قفاة وقولو عايزها حمرا." المهم النمر شاف الفار ماشي وقالو اطلع هتلي تفاحة من فوق الشجرة رد الفار قالو "عايزها حمرا ولا خضرا" راح ضربو على قفاة وقالو "انت ماشي حافي لية؟"
    avatar
    mkapeil

    عدد المساهمات : 463
    تاريخ التسجيل : 15/12/2008
    العمر : 35
    الموقع : http://alkhtat.yoo7.com

    رد: حبة ترفيه بقي اضحكو من القلب

    مُساهمة من طرف mkapeil في السبت مارس 07, 2009 5:57 pm

    بجد بجد ياحازم
    انت اضافه كبيره للمنتدى
    اسعدتنا وشرفتنا
    ومتعنا بعلمك
    وامتعنا بنكتك
    ربنا يوفقك والي الامام

    almohandes

    عدد المساهمات : 36
    تاريخ التسجيل : 25/12/2008

    رد: حبة ترفيه بقي اضحكو من القلب

    مُساهمة من طرف almohandes في الإثنين مارس 09, 2009 12:31 am

    انا مبسوط جداً بصراحه حبة نكت مالهاش حل واحنا دايماً نفسنا نشوف اعمالك الجميلة ونكتك الجميلة وربنا يزيدك

    abdelkhalek

    عدد المساهمات : 7
    تاريخ التسجيل : 30/12/2008

    رد: حبة ترفيه بقي اضحكو من القلب

    مُساهمة من طرف abdelkhalek في الإثنين مارس 09, 2009 4:00 pm

    ما شاء الله عليك خطاط و فكاهي .... بس بجد نكت حلووووة

      الوقت/التاريخ الآن هو السبت ديسمبر 15, 2018 1:33 am